Listen to “Ernst Ludwig Kirchner e A Rúa.” on Spreaker.
Ernst Ludwig Kirchner
Ernst Ludwig Kirchner é unha figura fundamental do expresionismo alemán, recoñecido pola súa capacidade para transformar a realidade urbana en representacións subxectivas e emotivas. Neste episodio e Historia Take Away achegáremos ao Expresionismo alemán e a analizaremos a súa obra “A rúa”, unha das máis representativas do Expresionismo alemán.
Nado en Alemaña en 1880, estudou arquitectura na Universidade Técnica de Dresde, mais pronto se decantou pola pintura. En 1905, fundou xunto con outros estudantes de arquitectura o grupo artístico Die Brücke (“A Ponte”), que foi clave no desenvolvemento do expresionismo alemán. Este movemento buscaba romper co academicismo e explorar formas máis espontáneas e emotivas na arte.
Trasladouse a Berlín en 1911, onde comezou a pintar escenas urbanas que reflectían a vida moderna con trazos angulosos e cores intensas. A súa participación na Primeira Guerra Mundial afectou profundamente á súa saúde mental, levando a unha crise nerviosa que o obrigou a retirarse a Suíza en 1915. Alí continuou traballando até o seu suicidio en 1938, tras sufrir unha recaída depresiva causada pola persecución nazi á súa obra, considerada “arte dexenerada”.
Kirchner e o Expresionismo alemán
O estilo de Kirchner é característico do expresionismo alemán: cores vibrantes e irreais, liñas angulosas e deformadas, e unha forte distorsión da realidade para expresar emocións subxectivas. Influído por Van Gogh, Edvard Munch e a arte primitiva, buscaba unha arte directa e auténtica que rexeitase as convencións académicas.
Entre as súas técnicas destacadas está o uso da xilografía, que lle permitiu explorar formas simplificadas e bidimensionais. As súas obras urbanas retratan unha visión crítica da sociedade burguesa, mostrando escenas nocturnas con bailaríns, prostitutas e personaxes alienados que reflicten tanto fascinación como repulsión cara á vida moderna
A rúa
Este óleo sobre lenzo foi pintado por Kirchner entre 1908 e 1919. Forma parte dunha serie de obras dedicadas ás escenas urbanas de Berlín na etapa previa á Primeira Guerra Mundial. Esta obra destaca pola súa composición inquietante e claustrofóbica, onde as figuras comprimidas parecen proxectarse cara ao espectador.
Entre as súas cactarísticas fundamentais poderiamos mencionar:
- Composición: As perspectivas aceleradas lanzan as figuras ao primeiro plano. As liñas diagonais desestabilizan a escena, creando un efecto opresivo.
- Cores: Intensas e arbitrarias, reforzan a sensación de angustia e alienación.
- Figuras: Representadas con formas angulosas e xeometrizadas; os rostros semellan máscaras primitivas influídas pola arte oceánica.
- Tema: Retrata dúas mulleres elegantes que avanzan pola rúa acompañadas por homes burgueses indiferentes. As figuras simbolizan tanto o glamour como a decadencia da sociedade berlinesa[7][8].
Nesta obra as e os historiadores da arte vén a ambivalente visión que sobre a cidade, o mundo urbano, tiña Kichner, así coma outros expresionistas: unha atracción polo que alí acontecía, mais unha crítica á alienación social.
“Calquera que exprese de forma honesta e directa o que o impulsa a crear é un de nós.”
Ernst Ludwig Kirchner, Manifesto do grupo Die Brücke (1906).
Ernst Ludwig Kirchner foi un artista revolucionario que plasmou nas súas obras a tensión entre modernidade e tradición. “A rúa” exemplifica o seu estilo único: cores vibrantes, formas distorsionadas e unha crítica profunda á sociedade contemporánea. A través do expresionismo, Kirchner conseguiu conectar coa esencia emocional da vida urbana, deixando un legado artístico que segue influíndo na arte moderna.
Créditos
Todas as obras utilizadas distribúense baixo a licenza Creative Commons:
Música da sintonía (Creative Commons Attribution 3.0):
- District Four, de Kevin MacLeod (https://incompetech.com)
- Temptation March, de Jason Shaw (http://audionatix.com).
Música incluída neste episodio: (Creative Commons Attribution 3.0)
- 5 movementos para Cuaterto de Cordas”, Op. 5, de Anton von Webern.
Imaxe:
- A rúa, de Ernst Ludwig Kirchner (Wikipedia).
O pódcast está baixo a licencia CC BY-NC 4.0.